Жас Ұрпақ -2025

Ақмола облысы прокуратурасының бастамасымен Ақмола облысының білім басқармасымен бірлесіп "Жас Ұрпақ" қоғамдық бірлестігі құрылды, оның қызметі азаматтықты, патриотизмді дамытуға, жасөспірімдер арасында кәсіби қасиеттерді, жоғары жауапкершілік пен тәртіпті қалыптастыруға, сондай-ақ олардың шығармашылық қабілеттерін дамытуға бағытталған. 24 ақпан күні Есіл қаласының балалар-жасөспірімдер шығармашылығы орталығында Жас Ұрпақ қатарына жаңа мүшелерді қабылдауға арналған салтанатты жиын өтті. Есіл ауданы бойынша білім бөлімінің басшысы Майра Айтқазқызы Қажетова жасөспірімдер арасындағы құқық бұзушылықтарды азайту мақсатында балаларды білім беру, шығармашылық, спорттық және әлеуметтік бастамаларға тарту, сондай-ақ мектеп ортасында буллинг сияқты негізгі идеялар туралы айтып берді. Есіл ауданында да өз білімімен, еңбекқорлығымен, қоғамдық өмірге белсенді қатысуымен ауданымыздың даңқын арттыратын балалар бар. Салтанатты жағдайда 50 оқушы Жас Ұрпақ қатарына қабылданды.Бірлестіктің жаңа мүшелерін мерекенің құрметті қонақтары құттықтады: Есіл ауданы әкімінің орынбасары Жүнісов Асылхан Теміртасұлы, Есіл ауданының прокуроры Асхат Әміржанұлы Қабдушев.